Dou wedd a Säula gschlochd....

... und grueba Wöschd gemochd, so is es Brauch im Frankenland!!
Soo, bin also widdä zerück in Münchn. Woh echd supä amol widdä dehamm ze senn! Ich hou a haufn suubbä Leud gedroffn, hou fleißich meina Eijäla gsuchd und alles in allem a riiesn Gaudi ghobd! Oh Uesdersunndouch bin ich ach aweng Modorroud gfohrn, ging gud, bis iich widdä dehamma wohr, dou hou iich des Dalend besessn des Ding nohzeleign *grmmpfff*, und des middn im Houef vor meina Leud. Subbä! Dop Cäise und Kubblung ougebrochn. Dahin des schönä Uesdägeld. Manchmol solls hald echd niä sei.
Ouä defür wors Uesdersunndouch ahms dodohl geniohl! Miä homm dehamma midd die Family gegrillt, und wiies hald immä su is nouch a boohr Bierla, vorallem hald bei Hanoldts, miä senn amol widdä alla auf die Bänk zen danzn geland und homm ze übelstn Schlagerrock`n Roll die Sau rausgelousn und des samsd meinä Oma Gundi! Ouä die is ja eh der Hid schlechd hiii! Also echd, mei Familie is zwor aweng anesch wie andra, ouä häägeim döuid iich sa ja echd niä! (Manchä was vo wos ich plauder wenn er meina Leud kennd :) )
Neja, ansunstn passd scho alles su aweng. Bin heud ärra ve die Ärbet ham, mich wor nier denouch ( naaa, su schlimm is a nuch nier ;), miich wors nur zen kodzen ) also hock ich grod aweng in meinä aufgheidzdn Budn rum und stell fesd das ich echd dringlichsd ze Ikea fohr muss um mich "Storessn" ze kaafn.
Und aufräum solled iich ach aweng.... in diesem Sinne.....Salute!